"Арсенал" футболчиси Киран Тирни Польша терма жамоасига қарши урган голи ҳақида фикр билдирди. У ўйиндан кейин шундай дейди:

"Мен ўйинда VAR борлигини эсимдан ҳам чиқариб қўйган эдим. Гол бўлгач эса бир лаҳза оффсайдда эмаслигимга шубҳа қилиб қолдим. Нима бўлганда ҳам, менга Жон Макгин томонидан оширилган тўп жуда ҳам қулай эди. Мен терма жамоада биринчи голимни урганимдан хурсандман. Энди менда бу борада битта гол ҳамда битта автогол мавжуд".

Тирни "Арсенал" сафида 87 та ўйинда майдонга тушган ҳамда 16 та голда бевосита иштирок этган.