Angliya terma jamoasining sobiq hujumchisi Darren Bent “Manchester Yunayted” yarim himoyachilari Bruno Fernandesh va “Arsenal” futbolchisi Martin Edegorlarni o‘zaro taqqosladi.

"Bruno "Manchester Yunayted"da yaxshi futbol o‘ynamoqda, ammo jamoa yordamga muhtoj bo‘lgan paytda uning muhim o‘yinlarda o‘zini ko‘rsatishini kutyapman. Hozir men Edegorni "Arsenal"da ko‘rsatayotgan o‘yinini inobatga olgan holda uni yaxshi futbolchi deyishim mumkin. Martin bu jamoa uchun juda mos va men uni Brunaga almashtirishdan ma’no ko‘rmayapman", - deydi Bent.

“Manchester Yunayted”ning portugaliyalik futbolchisi joriy mavsumda 37 ta o‘yinda maydonga tushib, 9 ta gol urdi va 14 ta golli uzatmani amalga oshirdi. Norvegiyalik futbolchi esa “kanonirlar” safida 30 ta o‘yin o‘tkazib, 5 ta gol urdi va 4 ta golli uzatmani amalga oshirdi.