Англия терма жамоасининг собиқ ҳужумчиси Даррен Бент “Манчестер Юнайтед” ярим ҳимоячилари Бруно Фернандеш ва “Арсенал” футболчиси Мартин Эдегорларни ўзаро таққослади.
"Бруно "Манчестер Юнайтед"да яхши футбол ўйнамоқда, аммо жамоа ёрдамга муҳтож бўлган пайтда унинг муҳим ўйинларда ўзини кўрсатишини кутяпман. Ҳозир мен Эдегорни "Арсенал"да кўрсатаётган ўйинини инобатга олган ҳолда уни яхши футболчи дейишим мумкин. Мартин бу жамоа учун жуда мос ва мен уни Брунага алмаштиришдан маъно кўрмаяпман", - дейди Бент.
“Манчестер Юнайтед”нинг португалиялик футболчиси жорий мавсумда 37 та ўйинда майдонга тушиб, 9 та гол урди ва 14 та голли узатмани амалга оширди. Норвегиялик футболчи эса “канонирлар” сафида 30 та ўйин ўтказиб, 5 та гол урди ва 4 та голли узатмани амалга оширди.
