Italiyalik jurnalist Fabrisio Romanoning tarqatgan ma’lumotiga qaraganda, «Manchester Yunayted» o‘zining uch nafar futbolchisi - Jessi Lingard, Xuan Mata va Edinson Kavani bilan shartnomani uzaytirmaydi.
Uchalasining ham "mankunianliklar" bilan amaldagi shartnomalari shu yilning yozida yakunlanadi.
Mata va Lingard «qizil iblislar» safida yetti mavsumdan ko‘proq o‘ynab kelmoqda. Kavani esa 2020 yilning kuzida «PSJ»dan «Manchester Yunayted» tarkibiga ko‘chib o‘tgan edi.
Tugallanmagan ikki mavsumda urugvaylik hujumchi «Manchester Yunayted» uchun barcha musobaqalarda 19 ta gol urishga muvaffaq bo‘ldi.
