Италиялик журналист Фабрицио Романонинг тарқатган маълумотига қараганда, «Манчестер Юнайтед» ўзининг уч нафар футболчиси - Жесси Лингард, Хуан Мата ва Эдинсон Кавани билан шартномани узайтирмайди.
Учаласининг ҳам "манкунианликлар" билан амалдаги шартномалари шу йилнинг ёзида якунланади.
Мата ва Лингард «қизил иблислар» сафида етти мавсумдан кўпроқ ўйнаб келмоқда. Кавани эса 2020 йилнинг кузида «ПСЖ»дан «Манчестер Юнайтед» таркибига кўчиб ўтган эди.
Тугалланмаган икки мавсумда уругвайлик ҳужумчи «Манчестер Юнайтед» учун барча мусобақаларда 19 та гол уришга муваффақ бўлди.
