Endryu Robertson iyun oyida Shotlandiya terma jamoasi uchun o‘tkazilgan o‘yinlar sonidan noroziligini bildirdi.
Jamoa Millatlar ligasida 4 ta, shuningdek, JCH-2022 saralash bahslari munosabati bilan ikkita o‘yin o‘tkazadi.
«Menimcha, mavsum o‘rtasida boshlanadigan Jahon chempionati sababli iyun oyida futbolchilardan olti marta maydonga tushishni so‘rash to‘g‘ri emas.
So‘nggi paytlarda futbolchilarga g‘amxo‘rlik qilish haqida ko‘p gapirilmoqda va umid qilamanki, bu qaror qabul qilishda birinchi o‘rinda turadi.
Futbolchilarga yil davomida atigi ikki haftalik dam berilishi to‘g‘ri emas», — deydi Robertson.
