"Aston Villa"da ijara asosida o‘ynayotgan "Barselona" yarim himoyachisi Filippe Koutinyo faoliyatini "Nyukasl"da davom ettirishi mumkin, deb xabar beradi Sport.es.

Manbaga ko‘ra, "Nyukasl" Koutinyoning "Barselona"dagi shartnomasi bilan bog‘liq vaziyatni kuzatib bormoqda va futbolchiga o‘z klubiga o‘tishi uchun 1 million yevro taklif qilishga tayyor.

Avvalroq "Aston Villa" yakuniy qaror qabul qilish uchun may oyini kutmoqchi ekani xabar qilingandi. "Villa" Koutinyoni 40 million yevroga sotib olishi huquqiga ega.

Ma’lumot uchun, 29 yoshli braziliyalik 2018 yilning yanvarida 135 million yevro evaziga “Liverpul”dan “Barselona”ga o‘tgan edi. Yarim himoyachining jamoa bilan shartnomasi 2023 yilda yakuniga yetadi.