"Астон Вилла"да ижара асосида ўйнаётган "Барселона" ярим ҳимоячиси Филиппе Коутиньо фаолиятини "Ньюкасл"да давом эттириши мумкин, деб хабар беради Sport.es.
Манбага кўра, "Ньюкасл" Коутиньонинг "Барселона"даги шартномаси билан боғлиқ вазиятни кузатиб бормоқда ва футболчига ўз клубига ўтиши учун 1 миллион евро таклиф қилишга тайёр.
Аввалроқ "Астон Вилла" якуний қарор қабул қилиш учун май ойини кутмоқчи экани хабар қилинганди. "Вилла" Коутиньони 40 миллион еврога сотиб олиши ҳуқуқига эга.
Маълумот учун, 29 ёшли бразилиялик 2018 йилнинг январида 135 миллион евро эвазига “Ливерпуль”дан “Барселона”га ўтган эди. Ярим ҳимоячининг жамоа билан шартномаси 2023 йилда якунига етади.
