Mikel Arteta APLning mart oyidagi eng yaxshi murabbiyi deb topildi.
Uning qo‘l ostida «Arsenal» uchta uchrashuvda g‘alaba qozondi: «Uotford», «Lester» va «Aston Villa». Shuningdek, «Liverpul» jamoasiga qarshi uchrashuvda mag‘lubiyatga uchradi. Shu tariqa, "Arsenal" mart oyida to‘rtta uchrashuv o‘tkazdi.
Arteta oyning eng yaxshi murabbiyligi uchun kurashda Antonio Konte («Tottenxem»), Yurgen Klopp («Liverpul»), Brendan Rodjers («Lester») va Tomas Tuxel («Chelsi»)larni ortda qoldirdi.
Qayd etish kerakki, Arteta oyning eng yaxshi murabbiyligini joriy mavsum ikkinchi marta qo‘lga kirityapti. Avval u sentyabr oyida ham oyning eng yaxshi murabbiyi bo‘lgandi.