Микель Артета АПЛнинг март ойидаги энг яхши мураббийи деб топилди.
Унинг қўл остида «Арсенал» учта учрашувда ғалаба қозонди: «Уотфорд», «Лестер» ва «Астон Вилла». Шунингдек, «Ливерпуль» жамоасига қарши учрашувда мағлубиятга учради. Шу тариқа, "Арсенал" март ойида тўртта учрашув ўтказди.
Артета ойнинг энг яхши мураббийлиги учун курашда Антонио Конте («Тоттенхэм»), Юрген Клопп («Ливерпуль»), Брендан Роджерс («Лестер») ва Томас Тухель («Челси»)ларни ортда қолдирди.
Қайд этиш керакки, Артета ойнинг энг яхши мураббийлигини жорий мавсум иккинчи марта қўлга киритяпти. Аввал у сентябрь ойида ҳам ойнинг энг яхши мураббийи бўлганди.