«Tottenxem»ning uelslik himoyachisi Ben Devis London jamoasining «Nyukasl» ustidan qozongan yirik g‘alabasidan keyin jurnalistlarga o‘yin haqida o‘z fikrlari bilan o‘rtoqlashdi.

Devisning aytishicha, London jamoasi iroda ko‘rsatgan va tanaffusdan keyin «qarg‘alar» bilan kurashishga muvaffaq bo‘lgan. Benning ta’kidlashicha, endi hamma «Tottenxem» hujumining kuchini ko‘rdi. Uelslik futbolchining qo‘shimcha qilishicha, London jamoasining barcha o‘yinchilari hozir ajoyib formada va mavsum yakunida kuchli to‘rtlikka kirishga ishonishadi.

Eslatib o‘tamiz, Antonio Konte qo‘l ostidagi «shporlar» «Nyukasl»ni 5:1 hisobida mag‘lub etishdi.