«Real»ning sobiq hujumchisi Karim Benzema «Barselona» forvardi Lamin Yamal va Madrid klubi hujumchisi Vinisius Junior haqidagi fikrlari bilan o‘rtoqlashdi.

"Ular turli xil futbolchilar, ammo ikkisi ham haqiqiy "qotil". Ikkalasi ham o‘yinni tomosha qilayotganingizda sizni hayajondan o‘rningizdan turishga majbur qiladi. Tezlanish, tavakkal qilishga tayyorlik, muhim bahslardagi iroda... Lamin Yamalning oyoq tashqi qismi bilan beradigan uzatmalari, Vinisiusning qanotdan yorib kirishlari... Buni tomosha qilish juda yoqimli. Men ularni hech qachon bir-biriga solishtirmagan bo‘lardim", — dedi Benzema.

Joriy mavsumda Yamal 45 ta o‘yinda maydonga tushib, 25 ta gol urdi va 18 ta golli uzatmani amalga oshirdi. Vinisius hisobida esa 49 ta o‘yin, 19 ta gol va 14 ta samarali pas mavjud.