Avvalroq «Barselona» markaziy himoyachisi va sardori Ronald Arauxo shu yilning yozida Kataloniya grandini tark etishi mumkinligi haqida xabar berilgan edi.
Endilikda ma’lum bo‘lishicha, urugvaylik futbolchining o‘zi «ko‘k-anorranglilar» safidan ketishni istamayapti. Qayd etilishicha, markaziy himoyachi tushkunlikka tushmagan va jamoaning asosiy tarkibidagi o‘rnini qaytarib olishga qodir ekaniga ishonchi komil.
Eslatib o‘tamiz, Arauxoning «blaugranas» bilan amaldagi shartnomasi 2031 yilgacha mo‘ljallangan. Transfermarkt 27 yoshli futbolchini 20 million yevroga baholamoqda. Joriy mavsumda himoyachi 35 ta o‘yinda maydonga tushib, 4 ta gol urishga muvaffaq bo‘ldi.
