Madridning «Atletiko» klubi yarim himoyachisi Koke jurnalistlarga «Atletiko» va «Manchester Siti» o‘rtasidagi Chempionlar ligasining bo‘lajak o‘yini haqida Rodri bilan gaplashganini aytdi.
«U menga o‘yin juda qiyin bo‘lishini aytdi. Bizda Premyer-ligada bunday o‘yinlar ko‘p, deydi Rodri. Ha, lekin «Atletiko» APL jamoasi emas, - deb ogohlantirdim uni», - deya kulib yuboradi Koke.
Koke Madrid klubining g‘alabasiga mutlaqo shubha qilmasligini aniq aytdi.
«Men unga albatta g‘alaba qozonishimizni va u «Atletiko» qanday jamoa ekanligini bilishini aytib qo‘ydim», - deya qo‘shimcha qildi yarim himoyachi.













