O‘zbekiston kubogi «B» guruhining ilk turida jamoamiz «Lokomotiv» bilan kuch sinashadi. Bo‘lajak bahs joriy mavsum hisobidan o‘z uyimizdagi birinchi uchrashuvga aylanadi.
O‘zaro o‘yinlar statistikasiga ko‘ra, barcha musobaqalardagi o‘tkazilgan jami 30 o‘yinda "Lokomotiv" 18 g‘alabani tantana qilgan, AGMK esa 7 marotaba "temiryo‘lchilar"dan ustun kelgan. Qolgan 5 bellashuvda g‘olib nomi aniqlanmagan. To‘plar nisbati: 56-37, "Lokomotiv" foydasiga.
Diskvalifikasiya muddatini o‘tab bo‘lgan jamoamiz a’zolari — Aleksandr Kasyan va Shohruh Gadoyev bo‘lajak uchrashuvda ishtirok etishlari mumkin.
• O‘yin bosh hakami etib Ilya Ilin tayinlangan. Ilin bunga qadar jamoamiz ishtirokidagi bir uchrashuvni boshqargan va unda «Mash’al»ga imkoniyat boy berilgandi. Bo‘lajak bahs jamoamiz uchun Ilin boshqaruvidagi ikkinchi o‘yinga aylanadi.
O‘yin 7 aprel kuni Olmaliqdagi OKMK sport majmuasida soat 18:00da boshlanadi.
