"PSJ" yarim himoyachisi Leandro Paredes oyog‘idan olgan jarohati sabab bir necha haftani o‘tkazib yuboradi, deb xabar beradi "L'Equipe".
Manba bergan xabarga ko‘ra, to‘liq tibbiy ko‘rikdan so‘ng futbolchining son qismida muammo borligi aniqlangan. Paredes jarrohlik amaliyotiga muhtoj bo‘lishi mumkin. Biroq tibbiyot shtabi hali futbolchini davolash borasida bir qarorga kelmagan.
27 yoshli argentinalik futbolchi joriy mavsumda Liga-1da 15 ta o‘yinda maydonga tushib, 1 ta gol urdi va 2 ta golli uzatmani amalga oshirdi.
