«Real» darvozaboni Tibo Kurtua «Chelsi»ga qarshi bo‘lajak o‘yin haqida o‘z fikrlari bilan o‘rtoqlashdi. Bugun tunda jamoalar «Stemford Bridj»da Chempionlar ligasining 1/4 finalida maydonga tushishadi.
«Chelsi o‘tgan yili ajoyib o‘ynadi, ammo bu mavsum ular uchun unchalik muammosiz kechmayapti. Vaholanki, ularning qanday jamoa ekanligini va nimalarga qodirligini bilamiz.
Biz o‘yinga yaxshi tayyorgarlik ko‘rdik va nima xavf ostida ekanligini bilamiz. Biz bor kuchimizni yuz foizga beramiz va g‘alaba qozonishni istaymiz. Biz «Chelsi»ni qanday mag‘lub etishni bilamiz», - deya Kurtua so‘zlarini keltiradi UYEFA matbuot xizmati.
