«Реал» дарвозабони Тибо Куртуа «Челси»га қарши бўлажак ўйин ҳақида ўз фикрлари билан ўртоқлашди. Бугун тунда жамоалар «Стемфорд Бридж»да Чемпионлар лигасининг 1/4 финалида майдонга тушишади.
«Челси ўтган йили ажойиб ўйнади, аммо бу мавсум улар учун унчалик муаммосиз кечмаяпти. Ваҳоланки, уларнинг қандай жамоа эканлигини ва нималарга қодирлигини биламиз.
Биз ўйинга яхши тайёргарлик кўрдик ва нима хавф остида эканлигини биламиз. Биз бор кучимизни юз фоизга берамиз ва ғалаба қозонишни истаймиз. Биз «Челси»ни қандай мағлуб этишни биламиз», - дея Куртуа сўзларини келтиради УЕФА матбуот хизмати.
