«Everton» yarim himoyachisi Allan «Lasio»ga o‘tishi mumkin, deb xabar beradi Il Corriere dello Sport. Manbaga ko‘ra, rimliklar bosh murabbiyi Maurisio Sarri bu transferni talab qilmoqda.

63 yoshli mutaxassis «Lasio» prezidenti Klaudio Lotito bilan uchrashib, 31 yoshli braziliyalik futbolchi bilan shartnoma imzolash imkoniyatini muhokama qilgan.

Allan 2015 yildan 2018 yilgacha Sarri qo‘l ostida «Napoli»da o‘ynagan.

Yarim himoyachining «Everton» bilan shartnomasi 2023 yilning iyunida yakuniga yetadi. Transfermarkt Allanni 18 million yevroga baholagan. 2021/22 yilgi mavsumda futbolchi mersisaydliklar safida 26 ta o‘yin o‘tkazib, 3 ta golli uzatmani amalga oshirgan.