«Эвертон» ярим ҳимоячиси Аллан «Лацио»га ўтиши мумкин, деб хабар беради Il Corriere dello Sport. Манбага кўра, римликлар бош мураббийи Маурицио Сарри бу трансферни талаб қилмоқда.
63 ёшли мутахассис «Лацио» президенти Клаудио Лотито билан учрашиб, 31 ёшли бразилиялик футболчи билан шартнома имзолаш имкониятини муҳокама қилган.
Аллан 2015 йилдан 2018 йилгача Сарри қўл остида «Наполи»да ўйнаган.
Ярим ҳимоячининг «Эвертон» билан шартномаси 2023 йилнинг июнида якунига етади. Трансфермаркт Алланни 18 миллион еврога баҳолаган. 2021/22 йилги мавсумда футболчи мерсисайдликлар сафида 26 та ўйин ўтказиб, 3 та голли узатмани амалга оширган.
