Madridning “Atletiko” klubi hujumchisi Luis Suaresning vakillari futbolchini transfer qilish uchun bir qancha klublar bilan muzokaralar olib bormoqda.
AS xabariga ko‘ra, 35 yoshli futbolchining agentlari Turkiyaning "Fenerbaxche" va "Beshiktosh" jamoalari bilan muzokaraga kirishgan.
Suaresning "Atletiko" bilan shartnomasi 2022 yilning yozida yakuniga yetadi. U 2020 yildan beri Madrid jamoasida o‘ynab kelmoqda.
Hujumchi joriy mavsumda 38 ta o‘yinda maydonga tushib, 13 ta gol urdi va 3 ta golga assistentlik qildi.
