«Barselona» hujumchisi Martin Breytueyt kam o‘yin amaliyotiga ega bo‘layotganligi uchun jamoani tark etish haqida o‘ylamoqda.

30 yoshli hujumchi «Barselona» bosh murabbiyi Xavi Ernandesning rejalariga kiritilmagan, u daniyalik futbolchi Xavi jamoaga kelgach aytarli maydonga tushirilmayapti. Shu sababli, Breytueyt yil oxirida Qatarda bo‘lib o‘tadigan Jahon chempionatida Daniya terma jamoasida ishtirok etish uchun yozda boshqa klub topishga harakat qilmoqda, deb xabar bermoqda Diario Sport.

Martinning kataloniyaliklar bilan shartnomasi 2024 yilning yoziga qadar mo‘ljallangan. Joriy mavsumda u barcha musobaqalarda bor-yo‘g‘i 5 marta maydonga tushib, ikki bor raqiblar darvozasiga zarba berdi.