«Salernitana» klubining tajribali yarim himoyachisi Frank Riberi Myunxenning «Bavariya» klubining polshalik to‘purari Robert Levandovski haqida gapirdi.
Riberining aytishicha, polshalik futbolchi har kuni mashg‘ulotlarda bor kuchini sarflaydigan va doimiy ravishda gol uradigan robot. Frank hujumchining gollari ortida nafaqat iste’dod, balki aql bovar qilmaydigan professionallik ham turganini ta’kidladi. Fransiyalik futbolchining qo‘shimcha qilishicha, Robert o‘tgan yili «Oltin to‘p»ni olishga mutlaqo loyiq edi.
Eslatib o‘tamiz, 2021 yilda «Oltin to‘p»ni argentinalik «PSJ» hujumchisi Lionel Messi qo‘lga kiritgan edi.
