2026 yilgi futbol bo‘yicha jahon chempionatining "H" guruhi 2-turidan o‘rin olgan Urugvay va Kabo-Verde terma jamoalari o‘rtasidagi bahs yakunlandi. AQSHning Mayami shahridagi «Xard Rok» stadionida bo‘lib o‘tgan uchrashuv 2:2 hisobidagi durang bilan tugadi.
Hisob 21-daqiqada ochildi. Kabo-Verde terma jamoasi yarim himoyachisi Kevin Lenini mehmonlarni oldinga olib chiqdi. Urugvayliklar birinchi bo‘lim oxirida vaziyatni o‘zgartirishga muvaffaq bo‘lishdi. Avvaliga Maksimiliano Arauxo 44-daqiqada hisobni tenglashtirgan bo‘lsa, Agustin Kanobbio 45+6-daqiqada jamoasini oldinga olib chiqdi.
Biroq Kabo-Verde taslim bo‘lmadi. 61-daqiqada Elio Varela gol urib, yakuniy hisobni o‘rnatdi — 2:2.
Eslatib o‘tamiz, birinchi turda Urugvay Saudiya Arabistoni bilan 1:1 hisobida durang o‘ynagan edi. Kabo-Verde esa Ispaniyadan ochko tortib olib, bahsni 0:0 hisobida yakunlagan.
Guruh bosqichining so‘nggi, 3-turida Urugvay Ispaniya bilan, Kabo-Verde esa Saudiya Arabistoni bilan kuch sinashadi. Har ikki uchrashuv ham 27 iyun kuni bo‘lib o‘tadi.
Jahon chempionati-2026. H guruhi, 2-tur
22 iyun, Mayami (AQSH). «Xard Rok» stadioni
Urugvay — Kabo-Verde — 2:2
Gollar: Lenini, 21 (0:1), Arauxo, 44 (1:1), Kanobbio, 45+6 (2:1), Varela, 61 (2:2).













