"Milan" yozgi transfer oynasida Marko Asensioni sotib olishi mumkin. Bu haqda La Gazette Dello Sport nashri xabar berdi.

Manba bergan ma’lumotlarga ko‘ra, "rossonerilar" ispaniyalik qanot hujumchisi uchun yiliga 5 million yevro maosh bilan 2026 yilgacha mo‘ljallangan shartnoma taklif qilgan. Italiya klubi uni sotib olish orqali o‘ng qanot hujum chizig‘ini kuchaytirishni maqsad qilgan.

Eslatib o‘tamiz, Asensioning Madrid grandi bilan shartnomasi 2023 yilda yakunlanadi. Tomonlar uni uzaytirish borasida kelishuvga erisha olmayapti.