Madridning «Atletiko» klubi hujumchisi Joau Feliks Ispaniya chempionatida mart oyining eng yaxshi futbolchisi deb topildi, deb xabar beradi La Liga rasmiy sayti.
Ushbu sovrin uchun bahsda portugaliyalik futbolchi «Real» hujumchisi Karim Benzema va «Barselona» hujumchisi Pyer-Emerik Obameyangni ortda qoldirdi.
22 yoshli Feliks o‘tgan oy La Liganing to‘rtta o‘yinida maydonga tushib, beshta gol urdi va bitta golli uzatmani amalga oshirdi. U joriy mavsumda «Atletiko» safida jami 32 ta o‘yin o‘tkazib, 10 ta gol va 5 ta golli uzatmani amalga oshirdi.
30-turdan so‘ng «matraschilar» La Liga turnir jadvalida peshqadam «Real Madrid»dan 12 ochko ortda qolib, 4-o‘rinda bormoqda.
