Мадриднинг «Атлетико» клуби ҳужумчиси Жоау Феликс Испания чемпионатида март ойининг энг яхши футболчиси деб топилди, деб хабар беради Ла Лига расмий сайти.

Ушбу соврин учун баҳсда португалиялик футболчи «Реал» ҳужумчиси Карим Бензема ва «Барселона» ҳужумчиси Пьер-Эмерик Обамеянгни ортда қолдирди.

22 ёшли Феликс ўтган ой Ла Лиганинг тўртта ўйинида майдонга тушиб, бешта гол урди ва битта голли узатмани амалга оширди. У жорий мавсумда «Атлетико» сафида жами 32 та ўйин ўтказиб, 10 та гол ва 5 та голли узатмани амалга оширди.

30-турдан сўнг «матрасчилар» Ла Лига турнир жадвалида пешқадам «Реал Мадрид»дан 12 очко ортда қолиб, 4-ўринда бормоқда.