"Manchester Yunayted" bosh murabbiyi Ralf Rangnik "Everton"dan uchralgan mag‘lubiyatdan so‘ng yangi murabbiy haqidagi gap-so‘zlar "qizil iblislar"ga qanday ta’sir qilayotgani haqida gapirdi.
“Menejerlar bilan gaplashish hech kimga bahona bo‘lmasligi kerak deb o‘ylayman. Biz "Manchester Yunayted"miz, bundan chalg‘imasligimiz kerak. Yangi murabbiy tayinlanadi. Lekin qachon sodir bo‘lsa, bu o‘yinga ta’sir qilmasligi kerak", - dedi Rangnik matbuot anjumanida.
Eslatib o‘tamiz, niderlandiyalik Erik ten Xag "Manchester Yunayted" bosh murabbiyi etib tayinlanish uchun favorit sanaladi.
