Madridning «Real» klubi bosh murabbiyi Karlo Anchelotti Chempionlar ligasi 1/4 finalidagi Londonning «Chelsi» jamoasiga qarshi bo‘lib o‘tadigan javob o‘yinidan oldingi fikrlari bilan o‘rtoqlashdi. Eslatib o‘tamiz, birinchi o‘yinda «qaymoqranglilar» safarda raqiblarini 3:1 hisobida mag‘lub etgandi.
«Ertaga juda qiyin o‘yin bo‘lishini hamma biladi. Bu butunlay boshqacha kechishiga shubha yo‘q. Biz xuddi «Stemford Brij»dagidek o‘ynashni istardik, ammo «Chelsi» albatta nimanidir o‘zgartiradi. Biz bunga tayyor bo‘lishimiz kerak», - dedi Anchelotti o‘yin oldidan o‘tkazilgan matbuot anjumanida.
Eslatib o‘tamiz, «Real» va «Chelsi» o‘rtasidagi javob uchrashuvi 12 aprel kuni Toshkent vaqti bilan soat 00:00da bo‘lib o‘tadi.
Ma’lumot o‘rnida, Eder Militao sariq kartochkalar soni bo‘yicha o‘yinni o‘tkazib yuboradi.
