Мадриднинг «Реал» клуби бош мураббийи Карло Анчелотти Чемпионлар лигаси 1/4 финалидаги Лондоннинг «Челси» жамоасига қарши бўлиб ўтадиган жавоб ўйинидан олдинги фикрлари билан ўртоқлашди. Эслатиб ўтамиз, биринчи ўйинда «қаймоқранглилар» сафарда рақибларини 3:1 ҳисобида мағлуб этганди.

«Эртага жуда қийин ўйин бўлишини ҳамма билади. Бу бутунлай бошқача кечишига шубҳа йўқ. Биз худди «Стемфорд Бриж»дагидек ўйнашни истардик, аммо «Челси» албатта ниманидир ўзгартиради. Биз бунга тайёр бўлишимиз керак», - деди Анчелотти ўйин олдидан ўтказилган матбуот анжуманида.

Эслатиб ўтамиз, «Реал» ва «Челси» ўртасидаги жавоб учрашуви 12 апрель куни Тошкент вақти билан соат 00:00да бўлиб ўтади. 

Маълумот ўрнида, Эдер Милитао сариқ карточкалар сони бўйича ўйинни ўтказиб юборади.