«Arsenal»ning sobiq yarim himoyachisi Pol Merson «Manchester Yunayted» hujumchisi Krishtianu Ronalduni tanqid qildi.

«Ronaldu 37 yoshda. «Manchester Yunayted»da sodir bo‘layotgan voqealar uni umidsizlantirishi aniq. U tarixdagi eng yaxshi futbolchilardan biri edi, ammo endi u avvalgidek o‘ynay olmayapti. Premyer-liga juda qiyin musobaqa hisoblanadi. Ronaldu tufayli Sulsher ishdan bo‘shatildi. Bu yoshda Krishtianu har bir o‘yinda maydonga tusha olmaydi. «Manchester Yunayted» uchun Reshford Ronaldudan muhim futbolchi bo‘lishi kerak», - deya Mersonning so‘zlarini keltiradi Sky Sports.

37 yoshli Ronaldu joriy mavsumda barcha turnirlarda 34 ta o‘yinda maydonga tushib, 18 ta gol urdi va 3 ta golga assistentlik qildi. Uning klub bilan shartnomasi 2023 yilning yoziga qadar amal qiladi va uni yana bir yilga uzaytirishi mumkin.