Madridning «Real» klubi turnirning amaldagi sohibi «Chelsi»ni Chempionlar ligasidan chiqarib yubordi va turnirning yarim finaliga yo‘l oldi.

Bu «Real» uchun Chempionlar ligasining turnir tashkil etilganidan beri (1992-1993 yilgi mavsum) o‘n beshinchi yarim finali bo‘lib, bu turnirning mutlaq rekordidir.

Bundan tashqari, "Qirollik klubi" so‘nggi 12 mavsumda 10 marta yarim finalga yo‘l oldi.

Avvalroq xabar berganimizdek, Anchelotti shogirdlari yarim finalda «Manchester Siti» - «Atletiko» juftligi g‘olibi bilan to‘qnash keladi.