«Barselona» «Arsenal» himoyachisi Gabrielga qiziqish bildirmoqda va futbolchi evaziga Memfis Depay va Riki Puch xizmatlarini London klubiga taklif qilishi mumkin, deb xabar beradi Sport. Oldinroq «kanonirlar» futbolchini 40 million yevrodan kamiga qo‘yib yuborishga rozi emasligi haqida mish-mishlar tarqalgandi.

Kataloniya klubi «Arsenal»ga Depay yoki Puchni taklif qilib, himoyachining narxni pasaytirmoqchi. «Barselona» markaziy himoya chizig‘ini kuchaytirishga harakat qilmoqda. Avvalroq klub «Chelsi» futbolchisi Antonio Ryudiger bilan muzokaralar olib borayotgani haqida xabar berilgandi, biroq Kataloniya klubi futbolchining moliyaviy talablarini qondira olmagani uchun muzokaralar to‘xtab qolgan.

Ma’lumot o‘rnida, Gabriel joriy mavsumda Premyer-ligada 27 ta o‘yinda maydonga tushdi va 3 ta gol urdi.