«Sampdoriya» safida ijarada o‘ynayotgan «Inter» yarim himoyachisi Stefano Sensi yozda Milan klubiga qaytib, u yerda o‘z o‘rnini topishga umid qilmoqda.
26 yoshli yarim himoyachi 2020 yil sentyabrida «Sassuolo»dan «Inter» safiga ko‘chib o‘tganidan so‘ng «neradzurrilar»ning asosiy jamoasiga o‘tishga harakat qilgan, biroq ko‘plab jarohatlar bunga to‘sqinlik qilgan va futbolchi ijaraga berib yuborildi. Calciomercato nashri xabariga ko‘ra, Sensi Genuya klubida barqaror o‘ynay boshladi. Qishki transfer oynasidan so‘ng futbolchi 8 marta maydonga tushdi va o‘zini pleymeyker sifatida yaxshi tomonlarini ko‘rsatdi.
Manba bergan xabarga ko‘ra, Sensi yozda «Inter»ga qaytishga va jamoada Marselo Brozovichga o‘rinbosar sifatida o‘z o‘rnini topishga umid qilmoqda.
