Niderlandiyalik sobiq futbolchi Rafael van der Vart Erik ten Xagning «Manchester Yunayted»dagi istiqbollari haqida o‘z fikrlari bilan o‘rtoqlashdi.
«Ayaks»ning amaldagi bosh murabbiyi ingliz klubiga tayinlanishi tez orada e’lon qilinishi kutilmoqda.
“Ularda ajoyib tarkib bor, lekin ular juda yomon o‘ynashmoqda. Bu har doim ham murabbiyning aybi emas. Endi ular aniq talablarga ega bo‘lgan murabbiyga ega bo‘lishadi. Ten Xag Angliyadagi eng katta nom bo‘lmasligi mumkin, ammo u o‘z rejasini juda aniq bayon qila oladi. Agar siz u bilan hamkorlik qilishga tayyor bo‘lmasangiz, jamoadan ketavering" - dedi van der Vart Ziggo Sport bilan suhbatda.
