"Manchester Yunayted" bosh murabbiyi Ralf Rangnik "qizil iblislar"ni boshqarish qaroridan afsusda emasligini aytdi.
"Afsuslanganim yo‘q, men bu ishni yana qilgan bo‘lardim. Menejer sifatida men har doim nimani yaxshiroq qila olardim, deb o‘ylashim kerak, lekin bu murabbiylikni olganimdan afsuslanmayman.
O‘tgan oylarda biz o‘z darajamizni ko‘tara olishimizni ko‘rsatdik, lekin men xohlaganchalik emas. Ayni paytda meni hafsalamni pir qilgan narsa shu”, - dedi nemis mutaxassisi.