Kataloniyaning “Barselona” klubi “Sevilya”dan mavsum oxirigacha ijaraga olingan hujumchi Lyuk de Yong bilan hamkorlikni davom ettirish niyatida emas. Bu haqda Sport nashri xabar bermoqda. Qayd etilishicha, Xavi jamoasida keyingi mavsumda de Yongga joy yo‘q.
Manbaga ko‘ra, futbolchi joriy mavsumni "Barselona"da yakunlaydi, keyin esa "Sevilya"ga qaytadi.
De Yong joriy mavsum “Barselona” safida 6 ta gol urdi. Ushbu gollar evaziga Xavi Ernandes jamoasi Ispaniya chempionatining joriy mavsumida o‘zlari uchun 8 ochkoni qo‘lga kiritdi.
