"Manchester Siti" yarim himoyachisi Aleksandr Zinchenko Chempionlar ligasi yarim finali doirasidagi "Real"ga qarshi o‘yin haqida gapirdi.

"Real Madrid" — Chempionlar Ligasi qiroli. Bu jamoa o‘tmishda ko‘plab sovrinlarni qo‘lga kiritgan. Bu dunyoning eng yaxshi jamoalaridan biri, ammo ularga qarshi kechadigan o‘yinga qadar bizda boshqa muhim bahslar ham bor", - deya ukrainalik futbolchining so‘zlarini keltirgan TUDN.

26 aprel kuni Manchester shahridagi “Etihad” stadionida Chempionlar ligasi 1/2 finali uchrashuvi doirasidagi “Manchester Siti” – “Real” bahsi ilk uchrashuvi bo‘lib o‘tadi. Javob o‘yini 4 may kuni bo‘lib o‘tadi.

Parallel o‘yinda "Vilyarreal" "Liverpul" bilan Chempionlar ligasi finali yo‘llanmasi uchun kurashadi. Ushbu o‘yin 27 aprel kuni Liverpuldagi "Enfild" stadionida bo‘lib o‘tadi.

25 yoshli Zinchenko "Manchester Siti"ning asosiy futbolchisi hisoblanmaydi. U Angliya chempionatida bor yo‘g‘i sakkizta o‘yinda maydonga tushib, bitta golli uzatmani amalga oshirgan.