"Манчестер Сити" ярим ҳимоячиси Александр Зинченко Чемпионлар лигаси ярим финали доирасидаги "Реал"га қарши ўйин ҳақида гапирди.
"Реал Мадрид" — Чемпионлар Лигаси қироли. Бу жамоа ўтмишда кўплаб совринларни қўлга киритган. Бу дунёнинг энг яхши жамоаларидан бири, аммо уларга қарши кечадиган ўйинга қадар бизда бошқа муҳим баҳслар ҳам бор", - дея украиналик футболчининг сўзларини келтирган TUDN.
26 апрел куни Манчестер шаҳридаги “Этиҳад” стадионида Чемпионлар лигаси 1/2 финали учрашуви доирасидаги “Манчестер Сити” – “Реал” баҳси илк учрашуви бўлиб ўтади. Жавоб ўйини 4 май куни бўлиб ўтади.
Параллел ўйинда "Вильярреал" "Ливерпуль" билан Чемпионлар лигаси финали йўлланмаси учун курашади. Ушбу ўйин 27 апрел куни Ливерпулдаги "Энфилд" стадионида бўлиб ўтади.
25 ёшли Зинченко "Манчестер Сити"нинг асосий футболчиси ҳисобланмайди. У Англия чемпионатида бор йўғи саккизта ўйинда майдонга тушиб, битта голли узатмани амалга оширган.
