Angliya kubogi yarim final uchrashuvida «Manchester Siti» «Liverpul»ga 2:3 hisobida imkoniyatni boy berib, ketma-ket uchinchi bor Angliya kubogining ushbu bosqichida musobaqa bilan xayrlashdi. Bu orqali «shaharliklar» «Manchester Yunayted»ning antirekordini takrorlashdi.

«Qizil iblislar» 1963-1964, 1964-1965 va 1965-1966 yillar ketma-ket uch mavsumida turnirning yarim final bosqichida o‘z yurishini to‘xtatgan.

Ma’lumot o‘rnida, «Manchester Siti» oxirgi marta 2019 yilda Angliya kubogini qo‘lga kiritgan edi.