«Bavariya» klubi sport direktori Oliver Kan jamoa hujumchisi Robert Levandovskining kelajagi haqida o‘z fikrlari bilan o‘rtoqlashdi.
«Robertning «Bavariya» bilan shartnomasi yana bir mavsumga amal qiladi. Biz u bilan muzokara o‘tkazamiz va uning klubimizda imkon qadar uzoq vaqt qolishini istaymiz. Biroq, muzokaralar oson kechmaydi. Ko‘p omillarni hisobga olish kerak. «Bavariya» shartnoma bo‘yicha muzokaralarni qachon boshlashini keyinroq hal qilamiz. Biz hech kimga bosim o‘tkazishini istamaymiz», - deya Kanning so‘zlarini keltiradi Sport1.de.
Levandovski «Bavariya»da 2014 yildan beri to‘p suradi. Hujumchi joriy mavsumda 41 ta o‘yinda maydonga tushib, 47 ta gol va 4 ta golga assistentlik qildi.
Transfermarkt Polsha terma jamoasining 33 yoshli hujumchisini 50 million yevroga baholamoqda. Avvalroq Levandovski «Barselona»ga o‘tishi mumkinligi haqida xabarlar tarqalgan edi.
