«Бавария» клуби спорт директори Оливер Кан жамоа ҳужумчиси Роберт Левандовскининг келажаги ҳақида ўз фикрлари билан ўртоқлашди.

«Робертнинг «Бавария» билан шартномаси яна бир мавсумга амал қилади. Биз у билан музокара ўтказамиз ва унинг клубимизда имкон қадар узоқ вақт қолишини истаймиз. Бироқ, музокаралар осон кечмайди. Кўп омилларни ҳисобга олиш керак. «Бавария» шартнома бўйича музокараларни қачон бошлашини кейинроқ ҳал қиламиз. Биз ҳеч кимга босим ўтказишини истамаймиз», - дея Каннинг сўзларини келтиради Sport1.de.

Левандовски «Бавария»да 2014 йилдан бери тўп суради. Ҳужумчи жорий мавсумда 41 та ўйинда майдонга тушиб, 47 та гол ва 4 та голга ассистентлик қилди.

Трансфермаркт Польша терма жамоасининг 33 ёшли ҳужумчисини 50 миллион еврога баҳоламоқда. Аввалроқ Левандовски «Барселона»га ўтиши мумкинлиги ҳақида хабарлар тарқалган эди.