Amsterdamning «Ayaks» klubi futbolchilari Nusayr Mazraui va Rayan Gravenberx yozda «Bavariya»ga o‘tadi.
Manbalarga ko‘ra, nemis klubi ikkala transfer bo‘yicha ham kelishib olgan. Mazraui «Bavariya»ga tekinga o‘tadi, chunki uning «Ayaks» bilan shartnomasi yozda tugaydi. Gravenberxning transfer narxi esa oshkor etilmagan.
24 yoshli Mazraui joriy mavsum «Ayaks» safida 32 ta o‘yinda maydonga tushib, 5 ta gol urdi va 4 ta golli uzatmani amalga oshirdi. 19 yoshli Gravenberx 38 uchrashuvda 2 ta gol va 6 ta golli uzatmaga mualliflik qilgan.
