Амстердамнинг «Аякс» клуби футболчилари Нусайр Мазрауи ва Райан Гравенберх ёзда «Бавария»га ўтади.

Манбаларга кўра, немис клуби иккала трансфер бўйича ҳам келишиб олган. Мазрауи «Бавария»га текинга ўтади, чунки унинг «Аякс» билан шартномаси ёзда тугайди. Гравенберхнинг трансфер нархи эса ошкор этилмаган.

24 ёшли Мазрауи жорий мавсум «Аякс» сафида 32 та ўйинда майдонга тушиб, 5 та гол урди ва 4 та голли узатмани амалга оширди. 19 ёшли Гравенберх 38 учрашувда 2 та гол ва 6 та голли узатмага муаллифлик қилган.