"Real" vingeri Rodrigo Ispaniya chempionati 32-turidan o‘rin olgan "Sevilya"ga qarshi o‘yin (3:2) haqida gapirdi.
"Uchrashuv qiyin o‘tishini kutgandik, ammo shunga qaramay o‘yinni eng yaxshi hislar bilan yakunlay oldik. Maydonga tushib, gol urganim va jamoaga yordam berganimdan xursandman. Bu 3 ochkoni qadrlash kerak, chunki "Sevilya" o‘z maydonida hali hech kimga mag‘lub bo‘lmagan edi, biz esa ularni taslim qildik. Ushbu 3 ochko bizni chempionlikka yanada yaqinlashtirdi. "Real"ning bir bo‘lagi ekanligimdan faxrlanaman", - dedi braziliyalik futbolchi.