"Реал" вингери Родриго Испания чемпионати 32-туридан ўрин олган "Севилья"га қарши ўйин (3:2) ҳақида гапирди.
"Учрашув қийин ўтишини кутгандик, аммо шунга қарамай ўйинни энг яхши ҳислар билан якунлай олдик. Майдонга тушиб, гол урганим ва жамоага ёрдам берганимдан хурсандман. Бу 3 очкони қадрлаш керак, чунки "Севилья" ўз майдонида ҳали ҳеч кимга мағлуб бўлмаган эди, биз эса уларни таслим қилдик. Ушбу 3 очко бизни чемпионликка янада яқинлаштирди. "Реал"нинг бир бўлаги эканлигимдан фахрланаман", - деди бразилиялик футболчи.
