"Manchester Siti" "Milan" hujumchisi Rafael Leauni o‘z safiga qo‘shib olmoqchi. Shu sababli klub futbolchining agenti Xorxe Mendes bilan ehtimoliy transfer borasida muzokaralar olib bormoqda. Bu haqda jurnalist Nikolo Skira xabar berdi.
Manba bergan ma’lumotlarga ko‘ra, italyan klubi o‘z futbolchisi bilan xayrlashmoqchi emas. "Rossonerilar" uning transferi uchun kamida 70 million yevro so‘raydi.
Shuningdek, "Milan" Leauga maoshini 4,5 million yevrogacha oshirish bilan 2026 yilgacha shartnoma uzaytirishni taklif qilgan.
Ma’lumot o‘rnida, futbolchi "qizil-qoralar" tarkibida 2019 yildan buyon harakat qilmoqda.