"Манчестер Сити" "Милан" ҳужумчиси Рафаэль Леауни ўз сафига қўшиб олмоқчи. Шу сабабли клуб футболчининг агенти Хорхе Мендес билан эҳтимолий трансфер борасида музокаралар олиб бормоқда. Бу ҳақда журналист Николо Скира хабар берди.
Манба берган маълумотларга кўра, итальян клуби ўз футболчиси билан хайрлашмоқчи эмас. "Россонерилар" унинг трансфери учун камида 70 миллион евро сўрайди.
Шунингдек, "Милан" Леаога маошини 4,5 миллион еврогача ошириш билан 2026 йилгача шартнома узайтиришни таклиф қилган.
Маълумот ўрнида, футболчи "қизил-қоралар" таркибида 2019 йилдан буён ҳаракат қилмоқда.
