«Chelsi» yarim himoyachisi Meyson Maunt «Liverpul»ga qarshi Angliya kubogi final uchrashuvi haqida o‘z fikrlari bilan o‘rtoqlashdi.
«Liverpul»ning o‘yini va hozirgi darajasini hisobga olsak, bizni yana bir qiyin uchrashuv kutib turibdi. Ularni mag‘lub etish nihoyatda qiyin bo‘ladi, ammo biz kubokni qo‘lga kiritishni istaymiz», — dedi Maunt.
Yakshanba kuni yarim finalda «Chelsi» «Kristal Pelas»ni 2:0 hisobida mag‘lub etdi. Finalda Tomas Tuxel shogirdlari «Liverpul» bilan kuch sinashadi.
«Biz yaxshi tayyorgarlik ko‘ramiz, chunki biz dunyoning eng kuchli jamoalaridan biriga qarshi o‘ynayapmiz», — deya qo‘shimcha qiladi Maunt.
