«Челси» ярим ҳимоячиси Мейсон Маунт «Ливерпуль»га қарши Англия кубоги финал учрашуви ҳақида ўз фикрлари билан ўртоқлашди.
«Ливерпуль»нинг ўйини ва ҳозирги даражасини ҳисобга олсак, бизни яна бир қийин учрашув кутиб турибди. Уларни мағлуб этиш ниҳоятда қийин бўлади, аммо биз кубокни қўлга киритишни истаймиз», — деди Маунт.
Якшанба куни ярим финалда «Челси» «Кристал Пэлас»ни 2:0 ҳисобида мағлуб этди. Финалда Томас Тухель шогирдлари «Ливерпуль» билан куч синашади.
«Биз яхши тайёргарлик кўрамиз, чунки биз дунёнинг энг кучли жамоаларидан бирига қарши ўйнаяпмиз», — дея қўшимча қилади Маунт.
